drög að heimsyfirráðum, annar hluti...

Já, herrar mínir og frúr, það á svo sannarlega að skipta um ímynd á blessaða bankanum svo allir megi gleyma Glitni á frónni og erlendis.  Býst við að þessi frábæra hugmynd sé væntanlega kominn frá markaðsdeild glitnis sem gaf okkur svo margar minningar: stórtónleika, maraþon, punktasöfnun, trilljón auglýsingaherferðir og þáttaspons og ég minnist nú ekki á litlu hemmabörnin á undan veðurfréttum.....those were the days...

Ég fékk jólagjöf frá glitni um daginn, eitthvurt jólaskraut til að hengja á tré, fékk þetta nú líka um síðustu jól frá þeim og vil ég benda þeim á það fyrir næstu jól þar að segja ef að fimm krónurnar mínar af gamla orlofsreikningum verða þar ennþá inni og ég skráður sem viðskiptamaður að þá ætla ég að fá beinharða peninga í jólagjöf í umslagi næst, hef ekki efni á tré í ár hvað þá heldur næsta.

Síðan fer ég fram á þá lágmarkskröfu að ég verði þéraður í öllum samskiptum mínum við bankann í framtíðinni hvort  það er heldur í töluðu máli eða tölvupóstum.

	Nýi Glitnir verður Íslandsbanki
Ábyrgðarmaður færslu Tilkynna um óviðeigandi tengingu við frétt

hvar er hemmi, er þetta ekki falinn myndavél?

	Lokað fyrir úttektir af Icesave
Ábyrgðarmaður færslu Tilkynna um óviðeigandi tengingu við frétt

Já ég vill byrja á því að óska vinningshöfum laugardagslóttósins til hamingju með fyrsta vinninginn og vel að sér kominni lukku í val á vinningstölum. 

Að öllu jöfnu hefði ég deilt þessum potti með hjónakornunum en mér var óbjargandi síðastliðinn laugardag er ég varð áfengisdauða á stofugólfi nágrannans eftir innbrot sem ég framdi að honum fjarstöddum tjaldandi í rigningunni á snæfellsnesi einsog belju í sveit.  Ég hafði ekki mikið upp úr krafsinu en þó nóg til að skála mig sælan sunnudaginn líka.

En 65milljónir er ágætis summa fyrir vinnandi fólk en ef ég væri þeirra sporum þá myndi ég skipta þessu hið snarasta yfir í dollara$$$$$ og snáfa burt af landinu áður en íslenska hagkerfið steypist á bólakaf á nefið einsog titanic.  Því þegar Skipstjórinn kann ekki að lesa á kompásinn og vélstjórinn er ekki vélstjóri heldur dýralæknir þá fara allir í björgunarbátana.  Sem verður síðan dreginn í land af evrópusambandinu sem bjargvættur og í staðinn fá þeir að veiða allann gjafakvótann í björgunarlaun. 

	„Nauðsynlegt að róa sig niður"
Ábyrgðarmaður færslu Tilkynna um óviðeigandi tengingu við frétt

Stórvinir okkar og dugnaðarforkarnir Pólsku er hafa gefið okkur mörg minnismerkin í formi byggingalistarinnar um gull og góðæristímabilið svokallaða hér á landi eru fyrir löngu búnir að fatta þetta.

En það verður skrautleg flugeldasýningin þegar öll jöklabréfin hafa fallið á gjalddaga í lok árs og krónurnar úr þeim farnar á meginlandið í mun arðsamari fjárfestingar.

Dollarinn kominn í 100 krónur og evran að nálgast 150. Það verða kerti og spil og föndraðar jólagjafir þau jólin.

Það er spurning um að maður fari að slútta þessu hérna og gerast sjálfboðaliði í zambíu þegar svo er í potti búið á litla eyríkinu.

Þeir sem á eftir verða á útskerinu Ísland, munum þurfa að byrja venja sig á að borða kattamat, því það verður það eina sem þeir munu hafa efni á og verður í boði fyrir almúgafólk svo framarlega sem það getur keypt sígarettur og brennivín.

Og síðan er aldrei að vita að Hekla gjósi síðan yfir allt saman og allir flýja til Kanada eða jafnvel snúi aftur til heimalandsins Noregs.

	Vilja upptöku evru sem fyrst
Ábyrgðarmaður færslu Tilkynna um óviðeigandi tengingu við frétt